SKEMA/ Ish punonjësi i Kredo.al vjedh llogaritë e Raiffeisen Bank
Dyshohet për skemë mashtrimi ndaj Raiffeisen Bank, kallëzim në polici për një dëm prej rreth 200 mijë eurosh
Më 29 korrik, përfaqësues të Raiffeisen Bank depozituan një kallëzim penal në Drejtorinë e Përgjithshme të Policisë së Shtetit, duke denoncuar një skemë të dyshuar mashtrimi që, sipas bankës, i ka shkaktuar një dëm financiar prej rreth 200 mijë eurosh.
Sipas pretendimeve të paraqitura në kallëzim, më shumë se 40 persona dyshohet se kanë përfituar nga një dobësi në sistemin elektronik të pagesave të bankës. Ata rezultojnë të kenë kryer tërheqje të përsëritura, kryesisht në shuma të vogla, deri në 100 euro, edhe në raste kur llogaritë nuk kishin fonde të mjaftueshme.
Burime të cituara nga KontrasT.al pretendojnë se skema bazohej në një anomali që shfaqej gjatë orëve të vona të natës. Sipas këtyre pretendimeve, në intervale të caktuara pranë mesnatës ishte e mundur të realizoheshin transferta ndërmjet llogarive përmes aplikacioneve të bankës, ndërsa verifikimi i gjendjes së fondeve kryhej me vonesë. Kjo, sipas kallëzimit, u mundësonte përfituesve të tërhiqnin paratë përpara se sistemi të evidentonte mungesën e fondeve.
Si personi kryesor i dyshuar për zbulimin dhe shfrytëzimin e kësaj dobësie përmendet Redjon Zaçi, i përshkruar si njohës i fushës së elektronikës dhe programimit. Në skemë dyshohet se është përfshirë edhe Eglind Mançja, i cili, sipas pretendimeve të publikuara, kishte njohuri mbi sistemin bankar për shkak të eksperiencës së mëparshme në sektorin e mikrofinancës.
Sipas të njëjtave burime, për të shmangur dyshimet, transfertat dhe tërheqjet kryheshin në shuma të vogla dhe shpërndaheshin në llogari të ndryshme. Një pjesë e personave të përfshirë dyshohet se kanë hapur llogari bankare kundrejt një shpërblimi, ndërsa më pas kanë tërhequr fondet e transferuara.
Raiffeisen Bank i ka dorëzuar policisë një listë me mbi 40 persona, për të cilët kërkon hetim lidhur me skemën e dyshuar. Deri më tani nuk ka një njoftim zyrtar nga Policia e Shtetit, Raiffeisen Bank apo Banka e Shqipërisë mbi ecurinë e hetimeve.
Ngjarja mbetet nën verifikim nga autoritetet kompetente dhe pretendimet e paraqitura në kallëzim nuk përbëjnë prova të fajësisë deri në përfundimin e procesit hetimor./Kontrast
Klientët e Raiffeisen Bank nuk gjejnë qetësi! Plasin vjedhjet e të dhënave
Levë e Rusisë! Alarm në Europë për Raiffeisen Bank, sanksionet në tavolinë
Sulmohen me SMS klientët e Raiffeisen Bank, reagon institucioni: Ja çfarë duhet të bëni
Raiffeisen, Intesa, OTP…/ Vodhën qytetarët duke fiksuar interesat
Lizandër Saraçi drejtori i Raiffeisen Bank në protestën kundër qeverisë
Raiffeisen Bank në Shqipëri! Realiteti që djeg vetëm arkivat por jo borxhet
EKSKLUZIVE/ Alarm te Raiffeisen Bank Albania, plasin SMS mashtruese! Siguri prej kartoni?