Raiffeisen dhe Intesa hanë gol 300 milionë euro
Raiffeisen Bank International AG dhe Zuercher Kantonalbank janë mes huadhënësve që i kanë ofruar kredi tregtarit të mineralit të hekurit Radiant World, sipas personave që kanë dijeni për këtë çështje.
I pari, një huadhënës austriak me prani të fortë në biznesin e financimit të tregtisë, dhe i dyti, një bankë me qendër në Zyrih — secila kishte një linjë kredie prej rreth 100 milionë dollarësh për Radiant ëorld, thanë njerëzit, të cilët kërkuan të mos identifikoheshin duke qenë se po diskutonin çështje bankare.
Përfaqësuesit e Raiffeisen dhe ZKB refuzuan të komentojnë, ndërsa një zëdhënës i Radiant World tha se kompania nuk do të komentonte mbi palët kontraktuese individuale.
Disa nga firmat më të mëdha të tregtimit të mallrave kanë ndaluar bashkëpunimin me Radiant World mes shqetësimeve se ajo u ka ofruar bankave dokumente të falsifikuara rreth tregtisë së mineralit të hekurit, raportoi Bloomberg News, duke shtuar se dy nga huadhënësit kryesorë — Deutsche Bank AG dhe KBC Group NV — kanë ngrirë disa nga fondet e saj.
Midis bankave të tjera, Intesa Sanpaolo SpA ka deklaruar se ka lënë mënjanë një provizion për një pjesë të ekspozimit të saj ndaj Radiant World, i cili sipas saj arrin në rreth 200 milionë euro në total. Radiant World kishte mohuar më parë çdo shkelje dhe ka deklaruar se ajo “e zhvillon biznesin e saj sipas standardeve më të larta tregtare dhe ligjore”.
Dokumentet zyrtare në Singapor detajojnë gjithashtu një sërë firmash që kanë pasur pretendime (ngarkesa financiare/kolateral) ndaj një entiteti të Radiant World në periudha të ndryshme, megjithëse dokumentet nuk tregojnë nëse këto firma kanë ende ekspozim.
Raiffeisen tradicionalisht ka qenë një lojtar i rëndësishëm në financimin e tregtisë për shkak të pranisë së saj në tregjet ruse dhe ukrainase, si dhe për shkak të rrënjëve të saj në sektorin e kooperativave bujqësore austriake.
Ajo ishte ndër institucionet e para financiare perëndimore që bëri biznes në Europën Lindore komuniste, përpara rënies së Perdes së Hekurt.ZKB kishte 667 milionë franga zvicerane (826 milionë dollarë) kredi të pambuluara për financimin e tregtisë së mallrave në vitin 2025, ekspozimi i saj më i madh midis industrive të ndjeshme ndaj klimës.
Tregtarët e mallrave si Radiant World mbështeten në kredinë nga një rrjet i gjerë furnizuesish, klientësh dhe financuesish për të menaxhuar sasi të mëdha mallrash, vlera e të cilave shpesh e zbeh plotësisht vlerën e tyre neto.
Kompania private u rrit me shpejtësi në vitet e fundit duke u bërë një nga tregtarët më të mëdhenj në botë të mineralit të hekurit, me të ardhura vjetore prej rreth 12 miliardë dollarësh. Tani, pasiguria rreth biznesit të Radiant World po ndihet tashmë në tregun e mineralit të hekurit, ku çmimet javën e kaluar ranë në nivelin më të ulët në më shumë se një vit.
SKEMA/ Ish punonjësi i Kredo.al vjedh llogaritë e Raiffeisen Bank
Si dështoi Raiffeisen Bank për të ruajtur paratë e qytetarëve! Dy punonjësit fusin duart në llogari
Banka hesht! Grabitja “pa armë” e Raiffeisen Bank: Si u zhvatën 200 mijë euro
Klientët e Raiffeisen Bank nuk gjejnë qetësi! Plasin vjedhjet e të dhënave
Raiffeisen, Intesa, OTP…/ Vodhën qytetarët duke fiksuar interesat
