Milionat e Call Centerave sjellin përplasje! David Prendi kundër tropojanve Agim, Alfred dhe Arjan Prekaj
Në prill të këtij viti, SPAK urdhëroi arrestimin e 28-vjeçarit David Prendi, pasi dyshohet se ishte pjesë e grupit kriminal të “Call Center-ave”. David Prendi është i dyshuar për përfshirje në veprat penale “Mashtrimi kompjuterik”, kryer në bashkëpunim në kuadër të një grupi të strukturuar kriminal, si dhe “Grup i strukturuar kriminal” dhe “Kryerja e veprave penale nga grupi i strukturuar kriminal”.
Arrestimi i tij lidhej me hetimet për call centerin e zbuluar nga agjentët e Byrosë Kombëtare të Hetimit (BKH) në ambientet e “Atti Tower”, ku dyshohet se kryheshin aktivitete të paligjshme përmes mashtrimeve online. David Prendi dyshohet se është një nga derivatet e tre vëllezërve nga Tropoja, Agim, Alfred dhe Arjan Prekaj, të shpallur në kërkim nga SPAK-u si bosët e një prej rrjeteve më të fuqishme të call centerave në Tiranë.
(Peronazhet kyç të skemës së mashtrimit me pasoja të rënda dyshohet se janë dy; Agim Preka dhe zonja Naze Prekaj, të cilët pas goditjes nga SPAK ku operacioni u dekospirua, kanë nisur të hapin celula të tjera call centerash nëpër Tiranë, në emrin e ushtarëve të besuar dhe në vende të kamufluara si biznese formale në dukje të rregullt). Ndërkaq, sipas burimeve, mes David Prendit dhe Agim Prekajt ka pasur mosmarrëveshje dhe përplasje, çka mund të sjellë thyerjen e Prendit përballë SPAK, duke u kthyer në i penduar i mundshëm.
Prendi pretendon se nuk ka fituar në raport me pritshmëritë nga aktiviteti kriminal, se po bën burg për Agim Prekajn, se ky i fundit është përfituesi më i madh, se vetë është viktimë e skemës së mashtrimit, se Prekaj e ka braktisur pas arrestimit etj. Nisur nga ky zhgënjim dhe për të shkurtuar vitet e burgut, David Prendi mund të kyhehet në i penduar i SPAK, duke rrëfyer skemën kriminale, funksionimin, emrat e përfshirë, rolin e tyre, sidomos rolin e policisë së Ilir Prodës si mburojë e aktivitetit kriminal dhe të dy prokurorëve në Prokurorinë e Tiranës, pagesat që kanë marrë etj.
Armanildo Saliasi i shpëtoi arrestimit
Emra kyç të rrjetit të madh kriminal të call centerave, i cili vepron nga skurat deri tek kullat në Tiranë, duke zhvatur qytetarët evropianë përmes investimeve të rreme dhe platformave mashtruese, i kanë shpëtuar arrestimit nga SPAK-u. Armanildo Saliasi dyshohet se është një nga derivatet e tre vëllezërve nga Tropoja, Agim, Alfred dhe Arjan Prekaj, të shpallur në kërkim nga SPAK-u muaj më parë si bosët e një prej rrjeteve më të fuqishme të call centerave në Tiranë.
Armanildo Saliasi nga Skrapari rezulton se ka qenë administrator i një prej call centerave të vëllezërve Prekaj në Tiranë, kamufluar me kompaninë Balkanspro shpk. Në mars të vitit 2022, një nga vëllezërit nga Tropoja, Alfred Prekaj i ka shitur Amarildo Saliasit kompaninë e call centerave Balkanspro, me zyra në Rrugën Jordan Misja, Kompleksi
Ka dyshime për shitje fiktive të kompanisë në kuadër të lëvizjeve të tre vëllezërve për të humbur gjurmët e aktivitetit kriminal të zhvatjes përmes mashtrimit me pasoja të rënda. Saliasi dyshohet si derivat i grupit të Agim Prekajt, ku bëjnë pjesë edhe të arrestuarit nga SPAK Remir Gjoligaj, Endri Gjata, David Qerimi, Elis Merkaj, Rentjan Peposhi, Odeas Kuqi. Teksa Saliasi i shpëtoi goditjes nga SPAK, ndryshe ishte fati David Prendit.
