Zjarri në hotelin Brooklyn në Vlorë, reagon policia: Zjarri erdhi nga priza

Nga InfoNews

Vlorë – Policia ka reaguar zyrtarisht pas zjarrit që përfshiu mëngjesin e sotëm një hotel në lagjen “10 Korriku” në Vlorë, ku mbetën të lënduar 6 pushues.

Sipas njoftimit të Policisë, ngjarja është regjistruar rreth orës 04:05, në ambientet e brendshme të hotelit në pronësi të shtetases me inicialet M. A.

Si pasojë e flakëve janë lënduar 6 pushues, 5 prej të cilëve janë shtetas të Kosovës, ndërsa një është nga Rrësheni.

Zjarri në hotel Brooklyn në Vlorë, 7 të plagosur

Pesë prej të lënduarve janë transportuar për mjekim të specializuar në Spitalin e Djegieve në Tiranë. Sipas Policisë, dy prej tyre kanë pësuar djegie të konsiderueshme trupore. Një tjetër i lënduar po merr ndihmë mjekësore në Spitalin Rajonal të Vlorës.

Zjarri ka shkaktuar gjithashtu dëme materiale në godinë.

Nga veprimet hetimore të kryera deri tani, përfshirë këqyrjen e pamjeve të kamerave të sigurisë, zjarri dyshohet se ka qenë aksidental. Sipas Policisë, flakët janë shkaktuar nga djegia e prizës elektrike të një frigoriferi, i cili ndodhej në ambientet e restorantit.

Grupi hetimor, nën drejtimin e Prokurorisë, vijon veprimet procedurale për dokumentimin e plotë të ngjarjes dhe përcaktimin e të gjitha rrethanave./InfoNews