Tragjedi në Tropojë, bien në korrent dy punonjësit e bashkisë

Një ngjarje e rëndë është shënuar në Tropojë, ku dy punonjës të Bashkisë kanë humbur jetën pasi kanë rënë në kontakt me energjinë elektrike gjatë kohës që ishin duke punuar.

Nga incidenti kanë mbetur të plagosur edhe dy persona të tjerë, të cilët janë dërguar për ndihmë mjekësore.

Ngjarja ka ndodhur gjatë punës, ndërsa ende nuk dihen rrethanat e plota se si punonjësit kanë rënë në kontakt me energjinë elektrike.

Në vendngjarje kanë shkuar autoritetet, ndërsa kanë nisur hetimet për zbardhjen e plotë të ngjarjes dhe përcaktimin e shkaqeve që çuan në humbjen e dy jetëve.

Pritet që në vijim të dalin më shumë detaje në lidhje me rrethanat e aksidentit dhe gjendjen e dy personave të plagosur.