Agjencia Kombëtare e Shoqërisë së Informacionit (AKSHI) ka hapur procedurën e re të prokurimit për mirëmbajtjen e sistemit të e-recetave të Fondit të Sigurimit të Detyrueshëm të Kujdesit Shëndetësor (FSDKSH), me një fond limit prej 2.4 milionë eurosh me TVSH.
Sipas dokumenteve, kontrata do të ketë një kohëzgjatje prej 24 muajsh, gjatë së cilës operatori fitues do të ofrojë shërbimin e mirëmbajtjes së sistemit të recetave elektronike.
Ky është një nga tenderët më të mëdhenj të teknologjisë së informacionit të këtij viti, dhe pritet të sjellë përplasje mes kompanive kryesore që dominojnë kontratat e AKSHI-t në fushën e IT-së dhe shërbimeve digjitale.
AKSHI ka bërë një sërë tenderësh të mëdhenj gjatë muajve të fundit, ku pjesa më e madhe janë bllokuar në Komisionin e Prokurimit Publik (KPP) për shkak të rivalitetit mes Ermal Beqirit dhe Gerond Meçes. Pritet të shihet se çfarë do të ndodhë edhe me këtë tender.