Shkarkohet nga detyra kreu i IKMT, Afrim Qendro
Afrim Qendro është shkarkuar nga detyra e Kryeinspektorit të Inspektoratit Kombëtar të Mbrojtjes së Territorit (IKMT), bëjnë me dije burime për Vox News.
Largimi i tij vjen vetëm disa muaj pas emërimit në krye të këtij institucioni, ku ai zëvendësoi Dallëndyshe Bicin.
Qendro mori zyrtarisht detyrën në shkurt të vitit 2026, pas largimit nga posti i Prefektit të Qarkut Tiranë.
Përpara drejtimit të IKMT-së, ai kishte mbajtur disa poste të rëndësishme, mes tyre drejtimin e Autoritetit Rrugor Shqiptar dhe atë të Prefektit të Tiranës.
Ende nuk dihen arsyet e shkarkimit të Qendros dhe kush ta zëvendësojë në krye të IKMT.
