Saimir Vishaj në luftë për jetën, avokati futet në intubim në Spitalin e Traumës
Avokati Saimir Vishaj në gjendje kritike për jetën, rrëzohet nga shkallët dhe intubohet në Spitalin e Traumës
Avokati i njohur Saimir Vishaj ndodhet në gjendje kritike për jetën, pasi ka pësuar një incident të rëndë dy ditë më parë.
Sipas burimeve të Vox News, Vishaj është rrëzuar nga shkallët, ndërsa fillimisht situata e tij shëndetësore nuk është raportuar të ketë qenë në këtë shkallë rëndësie.
Por ditën e sotme gjendja e avokatit është përkeqësuar ndjeshëm. Për shkak të komplikacioneve, ai është futur në intubim dhe aktualisht ndodhet në repartin e reanimacionit në Spitalin e Traumës.
Kjo është një tjetër përballje e vështirë shëndetësore për Saimir Vishajn, i cili vetëm pak muaj më parë kishte bërë të ditur se kishte kaluar një sëmundje të rëndë, që për pak i kishte marrë jetën.
Tashmë, avokati po përballet sërish me një situatë kritike, ndërsa mbetet për t’u parë ecuria e gjendjes së tij shëndetësore.
