Rama dëgjoi të shtënat? Jahti ndryshoi kurs dhe fiku dritat
Janë publikuar pamjet nga momenti kur personat që ndodheshin në jahtin ku u qëllua me armë zjarri në zonën e Palasës zbresin nga mjeti lundrues. Në pamje shihet një prej tyre i lagur dhe duke u fshirë me peshqir, pasi dyshohet se është hedhur në det për t’i shpëtuar policisë, ndërsa dy të tjerë kanë tentuar të largohen me gomone. Personi që u hodh në det u kap nga efektivët, ndërsa dy të tjerët u kthyen sërish drejt jahtit pasi konstatuan praninë e policisë në breg.
Sipas policisë, janë ndaluar Bruno Çela 31 vjeç, Leonard Haso, 31 vjeç, Afrim K 49 vjeç dhe Pashk Gjini, 60 vjeç. Mes tyre është edhe Astrit Gjonpalaj, ish-punonjës policie dhe pronar i kompanisë “Globus Travel”, si dhe Astrit Meta, shtetas shqiptaro-amerikan.Gjatë kontrollit të tyre dhe jahtit, policia nuk ka gjetur asnjë send të paligjshëm.
Pas ndërhyrjes së autoriteteve, jahti u ndalua dhe katër personat që ndodheshin në bord u shoqëruan për verifikim. Sipas hetimeve paraprake, jahti fillimisht kishte marrë drejtimin për në Greqi, por më pas ndryshoi kurs dhe tentoi t’i shmangej kontrollit duke fikur dritat dhe vijuar lëvizjen në det. Pas rreth dy orësh ndjekjeje, mjeti u ndalua dhe u dërgua në Portopalermo për kontroll të imtësishëm, ndërsa ende nuk janë bërë publike të dhënat mbi atë çfarë është gjetur në bord dhe vijojnë hetimet për të zbardhur rrethanat e ngjarjes dhe autorin e të shtënave. Burime bëjnë me dije se gjatë të shtenave edhe KM Edi Rama ka qene ne zone.
