Një tjetër shkelje serioze del në pah nga dosja e SPAK mbi tenderin 20 milionë euro të Unazës së Madhe, konkretisht për lotin 4 të projektit. Sipas verifikimeve në sistemin elektronik të Agjencisë së Prokurimit Publik (APP), bashkimi i operatorëve “Euroteorema Peqin” shpk – “Pe-Vla-Ku” shpk – “Nova Construction 2012” shpk nuk i ka plotësuar kriteret ligjore për t’u shpallur fitues.
Operatorët nuk kishin përvojën e kërkuar
Sipas dosjes, kompanitë pjesëmarrëse nuk kanë paraqitur asnjë provë që të vërtetonte:
• kryerjen e punëve të ngjashme me vlerë të paktën 50% të kontratës së shpallur,
ose
• realizimin e një volumi punësh me vlerë të barabartë me dyfishin e vlerës limit të kontratës brenda pesë viteve të fundit.
Këto kritere ishin të përcaktuara qartë në dokumentet standarde të tenderit dhe përbëjnë kusht bazë për kualifikimin teknik.
Çfarë thotë dosja e SPAK?
Në pikën 2.3.1 të “Kriterëve të Veçanta të Kualifikimit”, seksioni “Kapaciteti teknik”, tenderi kërkonte që operatori ekonomik të paraqiste:
• Dëshmi për përvojë të mëparshme të ngjashme, për një objekt të vetëm me vlerë jo më të vogël se 50% e kontratës,
ose
• dëshmi për punë të ngjashme me vlerë totale jo më të vogël se dyfishi i vlerës limit të kontratës, të realizuara gjatë pesë viteve të fundit.
Nga shqyrtimi i dokumentacionit të dorëzuar elektronikisht në APP, SPAK konstaton se operatori i shpallur fitues nuk i ka përmbushur këto kritere, megjithëse tenderi është dhënë në kundërshtim me kërkesat e përcaktuara.
Pjesë nga dosjaNga shqyrtimi i dokumentacionit që operatori ekonomik fitues ka ngarkuar elektronik të Agjencisë së Prokurimit Publik, rezulton se ky operator ekonomik i shpallur fitues i kësaj procedure prokurimi, nuk ka plotësuar kriterin e vendosur në dokumentacionin standard të tenderit, si më poshtë: Në kriterin 2.3.1 të dokumenteve standarde të tenderit, tek “Kriteret e Veçanta të Kualifikimit”, “Kapaciteti teknik”, është përcaktuar se: “Operatori ekonomik duhet të paraqesë dëshmi për përvojën e mëparshme të ngjashme: a) punë të ngjashme për një objekt të vetëm në një vlerë jo më të vogël se 50% e vlerës së përllogaritur të kontratës që prokurohet dhe që është realizuar gjatë pesë viteve të fundit, nga data e shpalljes së njoftimit të kontratës, ose b) punë të ngjashme deri në një kufi, ku vlera monetare totale e punëve të kryera, e marrë së bashku gjatë pesë viteve të fundit, është jo më e vogël se dyfishi i vlerës limit të kontratës që prokurohet.