Ersid Hasanllari, ish-drejtori i Autoritetit Kombëtar të Ushqimit për Tiranën, është thirrur për të dhënë deklaratë nga Prokuroria e Tiranës lidhur me helmimin e 56 studentëve të Akademisë së Sigurisë. Pas tij, do të merret në pyetje edhe Flutura Polaci, drejtoreshë e Njësisë Vendore të Kujdesit Shëndetësor.
Si pasojë e kësaj ngjarjeje, Hasanllari është larguar nga posti i drejtorit të Autoritetit Kombëtar të Ushqimit Tiranë (AKU). Një ditë më parë, u njoftua se ai është emëruar drejtor Mjedisi pranë Inspektoriatit Kombëtar të Mbrojtjes së Territorit (IKMT), një detyrë që ai ka marrë zyrtarisht të premten.
52 studentë të Akademisë së Sigurisë pësoi helmim pasi konsumuan ushqimin e ofruar nga kateringu ‘SORI-AL’. Nga analizat e kryera mbi mostrat e marra, rezultoi se makaronat ishin të kontaminuara me bakteret Escherichia coli dhe stafilokok.
AKU ka pezulluar aktivitetin e kësaj kompanie dhe gjithashtu e ka gjobitur atë me 1.5 milionë lekë për ofrim ushqimi të pasigurt dhe kushte higjeno-sanitare të papërshtatshme.
