Po mbysnin në dajak qytetarin, momenti kur policia neutralizon “gangot” Elite Security tek Orange Club në Sarandë
6 bodyguardë të Elite Security të cilët operoknë në klubin e natës “Orange Club” në Sarandë janë arrestuar pas incidentit të dhunshëm ku mbeti i sulmuar edhe shefi i Krimeve në qytet, Mateo Bakalli. Ndërkohë një tjetër person po ashti punonjës i Elite Security është shpallur në kërkim.
Ngjarja ka ndodhur gjatë orëve të natës, pranë ambienteve të klubit, ku pjesëtarë të sigurisë dyshohet se po dhunonin një person.
Çfarë ndodhi te Orange Club në Sarandë? Bodigardët qëllojnë oficerët e policisë, plasin arrestimet
Në momentin e konfliktit, pranë vendit të ngjarjes ndodhej edhe shefi i Krimeve, Mateo Bakalli, i cili ka ndërhyrë për të ndaluar përleshjen dhe për t’i ardhur në ndihmë personit që po dhunohej.
Sipas informacioneve paraprake, gjatë ndërhyrjes, efektivi është sulmuar nga bodyguardët dhe është goditur prej tyre.
Fillimisht, Policia ka shoqëruar rreth 15 persona në Komisariatin e Sarandës, ndërsa pas veprimeve të para hetimore, katër prej tyre, pjesëtarë të sigurisë së klubit të natës “Orange”, janë arrestuar.
Grupi hetimor po vijon punën për dokumentimin e plotë të ngjarjes dhe përcaktimin e përgjegjësive për personat e përfshirë në konflikt.
