Çfarë ndodhi te Orange Club në Sarandë? Bodigardët qëllojnë oficerët e policisë, plasin arrestimet
Nga InfoNews
Sarandë –
Sarandë – Një incident i rëndë është regjistruar pranë ambienteve të Orange Club në Sarandë, ku një përplasje fizike ka përfshirë punonjësit e sigurisë së lokalit dhe efektivë të Policisë.
Sipas burimeve, badigardët e lokalit kanë qenë duke rrahur një person jashtë ambienteve të klubit. Në momentin e incidentit, pranë vendngjarjes ka qenë edhe shefi i Krimeve, i cili ka ndërhyrë për të ndarë palët. Gjatë ndërhyrjes, dyshohet se efektivët e Policisë janë goditur nga punonjësit e sigurisë.
Situata ka agravuar më tej, duke bërë që në ndihmë të efektivëve të ndërhynin edhe forcat “Shqiponja”. Pas ndërhyrjes së Policisë, disa persona janë shoqëruar, ndërsa raportohet se të paktën katër badigardë janë ndaluar.
Ende nuk janë bërë të ditura të gjitha rrethanat e ngjarjes dhe motivet që çuan në përshkallëzimin e konfliktit. Pritet që Policia e Shtetit të japë një version zyrtar mbi incidentin, personat e përfshirë dhe masat e marra ndaj tyre.
Nuk dihen ende rrethanat e plota të ngjarjes dhe motivet që çuan në përplasjen mes palëve. Pritet që në vijim Policia të japë më shumë detaje zyrtare lidhur me operacionin, personat e shoqëruar dhe procedurat e nisura ndaj tyre./InfoNews.al
