Mbrëmjen e sotme në Elbasan, Valter Bami, pasi dyshohej se kishte thyer masën e arrestit shtëpiak, u kap në një automjet tip “Audi”, i ndaluar gjatë një kontrolli rutinë nga efektivët e qarkullimit rrugor.
Në momentin e verifikimit, Bami i kërkoi policisë të mos e vononte, duke pretenduar se ndodhej në hasmëri. Pas identifikimit të plotë, ai u shoqërua në Drejtorinë Vendore të Policisë Elbasan për procedurat e mëtejshme.
Pas verifikimeve, rezultoi se masa e arrestit ndaj tij ishte shuar dhe për këtë arsye ai u la i lirë.
Valter Bami, vëllai i Durim Bamit, dyshohej si person që ka dijenk për përfshirje në atentatin e ndodhur në Larushk të Krujës, ku mbeti i vrarë 29-vjeçari Ramazan Sino, kunati i Gentian Bejtjas, i cili dyshohej të ishte shënjestër e atentatit.