AMP njoftoi 6, burimet: Asnjë drejtues policie nuk humbi certifikatën e sigurisë
Asnjë drejtues policie nuk humbi certifikatën e sigurisë, burime: Masat prekin gradat deri në nënkomisar
Njoftimi i Agjencisë së Mbikëqyrjes Policore (AMP), sipas të cilit 10 punonjësve të Policisë së Shtetit, mes tyre edhe 6 drejtues të nivelit të parë, u është hequr certifikata e sigurisë për dyshime që lidhen me pastërtinë e figurës, ka marrë një zhvillim tjetër.
Burime për InfoNews bëjnë me dije se, ndryshe nga sa u interpretua fillimisht, asnjë drejtues i lartë i Policisë së Shtetit nuk rezulton të ketë humbur certifikatën e sigurisë.
Sipas të njëjtave burime, masat kanë prekur efektivë me grada që shkojnë deri në nënkomisar, ndërsa nuk përfshijnë drejtues të niveleve të larta të strukturës policore.
Më herët, AMP njoftoi se gjatë procesit të rivlerësimit të certifikatave të sigurisë, 10 punonjësve të policisë u ishte revokuar certifikata për shkak të dyshimeve që lidhen me pastërtinë e figurës, përfshirë indicie për kontakte apo lidhje me persona të përfshirë në veprimtari kriminale.
U arrestua nga AMP dhe Prokuroria e Dibrës, Gjykata liron policin
Burimet theksojnë se procesi i verifikimit vijon, ndërsa mbetet për t’u sqaruar zyrtarisht përbërja e plotë e punonjësve të prekur nga vendimi.
