Vritet me kallash Ardian Baloshi në Paskuqan
Një ngjarje e rëndë është shënuar në Tiranë, në rrugën “Dervish Luzha”, ku një person rreth 30 vjeç i quajutr Ardian Baloshi ka humbur jetën si pasojë e një plagosjeje me armë zjarri.
Sipas informacioneve paraprake, i riu ka mbërritur në spital pa shenja jete, ndërsa dyshohet se ka marrë një plumb në kokë. Burime paraprake bëjnë me dije se para ngjarjes viktima ka pasur një konflikt me autorin e dyshuar.
Policia ka nisur hetimet për zbardhjen e plotë të rrethanave të ngjarjes, identifikimin dhe kapjen e autorit, si dhe për përcaktimin e motiveve që çuan në këtë krim.
Detaje të tjera pritet të bëhen të ditura në vijim.
