Vrasja në Kavajë! Flet autori: Vëllai i dha gaz zetorit…unë e thera me thikë
Policia e Durrësit ka arrestuar autorin që vrau me thikë vëllain 74-vjeçar në Agonas të Kavajës.
74-vjeçari Eqerem Rreshka humbi jetën si pasojë e një konflikti me vëllain e tij, për motive të dobëta.
Sipas raportimeve, viktima kishte shkuar për të marrë dengje bari me zetor në arë, ku pasi i kishte ngarkuar, gjatë kthimit ishte takuar me vëllain e tij më të madh, Muharrem Rreshka, 76 vjeç që është edhe autori i vrasjes. Burimet bëjnë me dije se 76-vjeçari i kishte thënë vëllait të mos kalonte në atë rrugë, ndërsa 74-vjeçari e kishte shtyrë me zetor.
Pas konfliktit verbal, 76-vjeçari ka nxjerrë një thikë dhe e ka goditur vëllain e tij 3-4 herë. Ndërkohë, nga burimet mësohet se autori ka shprehur pendesë pas ngjarjes. Gjithashtu, mësohet se 76-vjeçari ushtronte detyrën e kryeplakut të fshatit.
Policia ka sekuestruar edhe thikën e përdorur nga 76-vjeçari.