Një 18-vjeçar është shoqëruar në Komisariatin e Policisë Shkodër, pasi dyshohet se ka kryer marrëdhënie seksuale me dhunë ndaj një 22-vjeçareje nga Kosova në zonën e Velipojës.
Sipas informacionit paraprak të Policisë, i riu po i nënshtrohet veprimeve procedurale, ndërsa hetimet vijojnë për zbardhjen e plotë të rrethanave të ngjarjes.
Autoritetet nuk kanë dhënë ende detaje të tjera lidhur me rastin, ndërsa pritet që hetimet të përcaktojnë dinamikën dhe përgjegjësitë ligjore.
