Shifrat e AMF/ Eurosig dhe Insig i Kadri Morinaj ulin dëmshpërblime për aksidentet, fitojnë milionat
Eurosig dhe Insig: Më shumë prime, më pak dëmshpërblime — çfarë po ndodh në tregun motorik?
Tregu i sigurimeve motorike po shfaq një paradoks të fortë financiar: dy kompanitë që kontrollohen nga biznesmeni Kadri Morinaj — EUROSIG dhe INSIG — kanë rritur të ardhurat nga primet e sigurimit, por njëkohësisht kanë ulur ndjeshëm pagesat për dëmet e qytetarëve.
Të dhënat e sigurimeve motorike për periudhën janar-prill 2026 nxjerrin në pah një zhvillim të fortë dhe kontradiktor për dy nga kompanitë më të mëdha në treg: EUROSIG dhe INSIG.
Ndërsa të dyja kompanitë kanë rritur të ardhurat nga primet e shkruara bruto në sigurimin motorik, pagesat për dëmet kanë pësuar rënie të ndjeshme. Në praktikë, qytetarët po paguajnë më shumë për sigurim, por kompanitë po paguajnë më pak për aksidentet.
Eurosig: Rritje e të ardhurave, ulje e dëmshpërblimeve
EUROSIG regjistroi:
Prime të shkruara bruto:
2025: 835,937
2026: 867,915
Rritje: +3.83%
Por në të njëjtën kohë:
Dëme të paguara:
2025: 333,903
2026: 299,447
Rënie: -10.32%
Kjo do të thotë se kompania ka arkëtuar më shumë para nga qytetarët, ndërsa ka ulur me mbi 34 milionë lekë pagesat për dëmet motorike.
Edhe pesha e Eurosig në totalin e dëmshpërblimeve të tregut ka rënë:
nga 16.77% në 13.51%.
Insig: Fitime në rritje, dëmet në tkurrje
Edhe më i fortë paraqitet kontrasti tek INSIG.
Kompania rriti primet:
2025: 439,912
2026: 468,195
Rritje: +6.43%
Por dëmet e paguara ranë ndjeshëm:
2025: 155,990
2026: 130,797
Rënie: -16.15%
Pra, ndërsa të ardhurat u rritën pagesat për aksidentet ranë ndjeshëm.
Edhe pjesa e INSIG në tregun e dëmshpërblimeve u tkurr:
nga 7.83% në 5.90%.
Çfarë sinjalizon kjo?
Në nivel tregu, sigurimi motorik po gjeneron më shumë të ardhura:
Primet totale u rritën me +5.39%.
Ndërkohë dëmet e paguara në treg u rritën me +11.34%.
Por ndryshe nga trendi i përgjithshëm i tregut, Eurosig dhe Insig kanë ndjekur kah të kundërt:
më shumë arkëtime,
më pak pagesa dëmesh.
A po refuzohen më shumë kërkesa për dëmshpërblim?
A po zgjaten procedurat e pagesave?
Apo kompanitë po ndjekin strategji më agresive për të ulur kostot e dëmeve?
