Asnjë reagim publik nga Vodafone Albania nuk ka ardhur lidhur me publikimin e dokumenteve dhe faturave që pretendohet se përmbajnë të dhëna të Shërbimit Informativ të Shtetit (SHISH). Pavarësisht pretendimeve për një rrjedhje që mund të përfshijë të dhëna të ndjeshme të personelit të një institucioni inteligjence, kompania nuk ka bërë të ditur publikisht nëse ka nisur një verifikim, nëse të dhënat janë autentike apo nëse sistemet e saj janë prekur.
DOSJA E ZEZË e Vodafone Albania! Nga fiksimi i çmimeve tek konfiskimi i parave të klientëve
Heshtja e kompanisë ngre pikëpyetje, veçanërisht për faktin se materialet e publikuara nga grupi i hakerëve “Homeland Justice” duket se lidhen me dokumente faturimi dhe lista të shërbimeve celulare të Vodafone Albania.
Rrjedhja e të dhënave të SHISH, Vodafone Albania hesht përballë skandalit
Sipas materialeve të publikuara në kanalin e grupit në Telegram, bëhet fjalë për më shumë se 600 numra telefoni që pretendohet se u përkasin punonjësve të SHISH. Dokumentet e publikuara duken si fatura dhe lista shërbimesh celulare, ndërsa në to pretendohet se numrat janë në pronësi të operatorit dhe se shërbimet janë faturuar në emër të SHISH.
Thyhet Vodafone Albania? Dalin sheshit faturat dhe numrat e agjentëve të SHISH
Nëse dokumentet rezultojnë autentike, çështja merr përmasa serioze, pasi mund të bëhet fjalë për ekspozimin e të dhënave që lidhen me personelin e një institucioni të inteligjencës.
Nga kanë dalë të dhënat?
Një nga çështjet kryesore që kërkon përgjigje është burimi i rrjedhjes. Në këtë fazë nuk është e qartë nëse të dhënat janë marrë nga sistemet e SHISH, nga sistemet e Vodafone Albania apo nga një palë e tretë që ka pasur akses në dokumentet e faturimit.
Vodafone “njeh” Borshin si Greqi, skandali me valët, qytetarët: Gjithë ditën pa askes…
Pikërisht për këtë arsye, mungesa e një reagimi publik nga Vodafone Albania bëhet edhe më e rëndësishme. Kompania nuk ka sqaruar nëse dokumentet janë të sajat, nëse faturat janë autentike dhe nëse ka konstatuar ndonjë incident sigurie që mund të ketë çuar në ekspozimin e tyre.
