Roli i vëllezërve Bibaj: Bizneset në emër të Nikollit! Jo vetëm drogë dhe pastrim parash, Sokoli: Kam vra njanin!
TIRANË-Detaje të reja janë zbardhur nga dosja hetimore e SPAK, lidhur me mënyrën si funksiononte grupi kriminal i trafikut të drogës, të cilët për periudhën kohore 2019–2021 trafikuar të paktën 50 ton kokainë nga Amerika Latine drejt Europës. Në dosjen hetimore siguruar nga ZËRI, bazuar komunikimeve në Sky Ecc zbardhet edhe veprimtaria dhe roli i vëllezërve Sokol e Nikoll Bibaj.
Sokoli merrej me trafikun e drogës, ndërsa të ardhurat e përfituara nga aktiviteti kriminal i ka investuar ne Shqipëri në emër të vëllait të tij Nikoll Bibaj. Rolet e vëllezërve janë të ndara, ku Sokoli ia bën të qartë të vëllait të mos merret absolutisht me trafik droge për shkak se ka pasuritë në emrin e tij dhe duhet të qëndrojë i pastër. Konkretisht në një mesazh zanor i drejtohet të vëllait Nikoll Bibaj që të mos përfshihet me punë të pista dhe të mos merrej me lënde narkotike pasi rrezikonin bizneset.
“Ore ti nuk qenke njeri me duket mor zotri te ka mungu naj gjon? Pse nuk shikon bisnesin tan mor djal. Tan pronat janë emrin tan na le rehat spo ju dal un doni mu ba krejt tu marr me mall. О zotni, rri ne pune tane o vlla, rri e shif punen tane, e ke provu i ket pune 100 here e s’ te ka hec. Nuk ke pse merr pun tjera rri n qesi maj emrin paster,”-i drejtohet Sokol Bibaj të vëllait.
Në kuadër të aksionit SPAK ka sekuestruar vila e godina në pronësi të “Altea Invest”, në pronësi të vëllezërve Shpëtim, Sokol e Nikoll Bibaj, si edhe në emër të disa shoqërive të tjera të lidhura me ta.
“Perandoria” e drogës! Nga kokaina te investimet…Përgjimet
Përveç trafikut të drogës dhe pastrimit të parave në investime, në bisedat e zbardhura mes dy vëllezërve, Sokol Bobaj rezulton i përfshirë edhe në vrasje. Ai i rrëfen të vëllait se ka frikë se mund të arrestohet, pasi pretendon se është përfshirë edhe në vrasje, ndërsa i tregon se autoritetet i kanë sekuestruar edhe një sasi të konsiderueshme kokaine.
“Kam vra njanin dhe ortaku atij e din kam vra un dhe esht kap 1600. Jan kap nje vend. Kam frik kan zbulu dhe ate pun se jan vra do serb. Kam pas ba dhe ato dokumeta esht lamsh mall fratelo,”-shprehet Sokol Bibaj.
Në dosje janë evidentuar 5 episode kryesore të trafikut të dorgës nga rrjeti kriminal i grupeve të drejtuara nga Eldi Dizdari, Dritan Gjika e Armando Pacanit, me furnitor dhe një rol kryesor të Salvatore Aliu. Sipas Prokurorisë së Posaçme, një pjesë e të ardhurave nga trafiku ndërkombëtar i kokainës janë transferuar cash në Shqipëri për të shmangur sistemin bankar dhe janë investuar në pasuri të paluajtshme, blerjen e aksioneve në kompani tregtare, në kompani ndërtimi, hoteleri, konsulencë etj.
