Rama për Zvërnecin: Qeveria nuk po fal asgjë, toka është private
Kryeministri Edi Rama reagoi këtë të premte, për debatin ne lishje me projektin turistik në Zvërnec, ku janë përfshirë investitorë të huaj si Jared Kushner, Ivanka Trump dhe dy biznesmenë nga Katari.
Rama hodhi poshtë pretendimet se shteti shqiptar po “fal” tokë në bregdetin e jugut, duke sqaruar se bëhet fjalë për një pronë private prej rreth 300 hektarësh, e pozicionuar mes lagunës së Nartës dhe plazhit të Zvërnecit.
“Korporata e investime është një rast sot që flet për epërsinë e kësaj qasjeje, në raport me atë të mëparshme, e cila ishte e kufizuar nga koha dhe nga mekanizmat e dobët që ne kishim në dispozicion. Korporata e investimeve sot ka krijuar një portofol me një kapacitete me mbi gjysmë miliard euro, që do të shkojnë në interes të shtetit shqiptar duke mos bërë asgjë tjetër, përveçse provat publike duke i vënë në shërbim të zhvillimit edhe për interesat e shtetit. Jo më kudo dhe kurdo dhënie të pronës publike, për hiçasgjë në emër të zhvillimit.Më vjen natyrshëm të them edhe për këtë zhurmën e madhe që është ngritur për një lajm të rremë sa s’thuhet, që me demek shteti po fal Zvërnecin. Shteti nuk po fal asgjë, sepse nuk po fal asgjë, sepse shteti atje nuk ka asgjë, sepse është një pronë private dem baba dem. Investitorët që janë përfshirë atje, janë tejet seriozë, të cilët e kanë marrë nga privatët. Ndërkohë që shteti po, shteti ka pasuri në anën tjetër të projektit, që është Ishulli i Sazanit, ku ende sot nuk kanë mbaruar negociatat, pasi korporata shqiptare e investimeve është pjesë e projektit.
Shteti shqiptar do të jetë aty dhe toka shqiptare e ishullit, do të jetë aty e shtetit shqiptar. Koncesioni i markimit të naftës dhe të pullave fiskale kanë qenë të dështuara. Sot nuk janë më koncesione, por janë aktivitet të ligjzbatimit, që po i bën një kompani publike me përfshirjen e një partneriteti shtetëror që janë Emiratet e Bashkuara dhe me ekselencën që vjen pastaj nga privati”, tha kryeministri.
