Kompania e shpërndarjes së porosive Wolt nuk ka bërë asnjë reagim publik ndaj protestës së motoristëve të saj në Bulevardi i Ri, pavarësisht kërkesave të përsëritura për përmirësimin e kushteve të punës. Heshtja e kompanisë vjen në një kohë kur dhjetëra motoristë kanë dalë në protestë duke kundërshtuar uljen e tarifave dhe mungesën e kontratave të rregullta të punës.
Lexo edhe: Motorristi WOLT Albania shpërndan drogë, goditet grupi me 33 persona
Motoristët, të cilët punojnë përmes nënkontraktorëve të kompanisë, pretendojnë se tarifat për kilometër janë ulur ndjeshëm dhe se kushtet e punës mbeten të pasigurta. Ata kanë paralajmëruar se do të vijojnë rezistencën duke qëndruar “offline” në aplikacion deri në plotësimin e kërkesave të tyre.
Kjo situatë ngre gjithashtu pikëpyetje për rolin e kompanisë, e cila sipas protestuesve shpenzon shuma të mëdha për marketing dhe sponsorizime në media, ndërsa – sipas tyre – nuk adreson problemet bazë të motoristëve që kryejnë shërbimin e shpërndarjes.