Plas në tregun energjitik të Kosovës! Adresa fantazëm e çmime marramendëse: Misteri i ETMT Energy e Marin Gjonaj dhe zyra në Beograd
Tregu energjetik i Kosovës duket se po përballet sërish me polemika dhe pikëpyetje serioze mbi kompanitë që furnizojnë vendin me energji elektrike. Pas largimit të kompanisë NOA Energy, një tjetër emër ka hyrë në treg: ETMT Energy.
Sipas informacioneve të emisionit “VOX Kosova”, kjo kompani tashmë po i shet Kosovës energji në vlera që arrijnë dhjetëra miliona euro. Megjithatë, aktiviteti dhe struktura e saj po ngrejnë dyshime të mëdha.
Burimet tregojnë se zyrat e ETMT Energy rezultojnë të regjistruara në një banesë ku, në praktikë, nuk gjendet askush. Ndërkohë, në Shqipëri kompania raportohet se ka ndërprerë aktivitetin, ndërsa një zyrë e hapur figuron në Beograd.
Në qendër të kësaj historie është emri i Marin Gjonajt, pronar i kompanisë, i cili sipas të dhënave ka edhe një tjetër biznes në bashkëpronësi me një deputet të Lëvizjes Vetëvendosje.