Sabah Nuzi, i akuzuar për vrasjen e 22-vjeçarit Klevis Lleshit, është futur në regjimin 41 bis në Burgun e Peqinit.
Burime bëjnë të ditur se Nuzi është futur në regjimin e posaçëm me kërkesë të Policisë dhe SPAK dhe me miratimin e Ministrisë së Drejtësisë.
Prej një viti në regjimin e Posaçëm 41 bis të burgjeve nuk kishte asnjë të burgosur. Sabah Nuzi është arrestuar si pjesë e grupit kriminal të drejtuar nga Aurel Hoxha, i cili konsiderohet nga hetuesit si porositësi i atentatit ndaj të riut, për shkak të hasmërisë.
Nga hetimet ka rezultuar se Nuzi ka pasur rolin e ekzekutorit në këtë ngjarje kriminale, ndërsa autoritetet dyshojnë se ai ka qenë i përfshirë edhe në aktivitete të tjera të paligjshme në kuadër të grupit.
Si u bë Sabah Nuzi vrasës, roli i Kolaverajve dhe Aurel Hoxhës
Sabah Nuzi dyshohet gjithashtu se është porositësi i vendosjes së një sasie tritoli në automjetin e Oltjon Klosit, teksa ndodhej në paraburgimin e Fushë-Krujës.
Më herët, Nuzi vuante dënimin në burgun e Fushë-Krujës, por me rikthimin në funksion të regjimit “41 Biss”, ai është transferuar në Peqin, ku do të qëndrojë nën masa të forta izolimi dhe kontrolli.