Pasi ra gropë me fitimin, BERZH i ofron 10 milionë euro kredi Bankës ProCredit në Shqipëri
ProCredit Bank Albania, një degë në pronësi të plotë të ProCredit Holding me seli në Gjermani, tha se regjistroi një humbje neto prej 66.5 milionë lekësh (795,579.7 dollarë/687,807.66 euro) në nëntë muajt e parë të vitit 2025, pasi raportoi një fitim prej 102 milionë lekësh në periudhën përkatëse të vitit 2024.
Së fundmi Banka Evropiane për Rindërtim dhe Zhvillim (BERZH) po i jep deri në 10 milionë euro Bankës ProCredit në Shqipëri (ProCredit) sipas Kornizës së re të Financimit të Borxhit të Lidhur me Rezultatet e Gjelbra të Ballkanit Perëndimor (WB GOLD). Financimi synon forcimin e aksesit në financim për ndërmarrjet e vogla dhe të mesme (SME) dhe ndërmarrjet me kapital të mesëm në Shqipëri.
Të paktën 50 përqind e fondeve do të dedikohen për projekte të pranueshme sipas qasjes së BERZH-it për Tranzicionin e Ekonomisë së Gjelbër (GET), duke mbështetur bizneset shqiptare në miratimin e teknologjive me efikasitet energjetik, zgjidhjeve të energjisë së rinovueshme dhe praktikave të tjera të qëndrueshme mjedisore.
