Largimi i Arlinda Pogajt, Jonaid Myzyri emërohet në krye të Operatorit të Blerjeve të Përqendruara
Jonaid Myzyri është emëruar në krye të Operatorit të Blerjeve të Përqendruara. Emërimi vjen pas njoftimit të dorëheqjes së drejtoreshës së mëparshme, Arlinda Pogajt.
Jonaid Myzyri është emëruar në krye të Operatorit të Blerjeve të Përqendruara, duke zëvendësuar Arlinda Pogajn, e cila paraqiti dorëheqjen nga detyra.
Myzyri ka mbajtur më parë postin e kryetarit të Komisionit të Prokurimit Publik. Emri i tij është përmendur në një hetim të SPAK-ut mbi procedurat e tenderëve të zhvilluara gjatë viteve 2020-2023.
Hetimi është përqendruar te dyshimet për mungesë gare në një sërë procedurash prokurimi, ku në disa raste rezultonte pjesëmarrëse vetëm një kompani, ndërsa në raste të tjera subjektet konkurruese dyshohet se janë skualifikuar në mënyrë të padrejtë.
Pavarësisht se emri i tij doli në këtë hetim, qeveria ka vendosur t’i besojë Myzyrit drejtimin e një institucioni kyç për prokurimet publike.