Lamallari: Rriten pagat e RENEA dhe FNSH
Efektivët e RENEA-s dhe Forcës së Posaçme (FNSH) do të përfitojnë 138 milionë lekë shtesë për pagat, fond i parashikuar në Aktin Normativ të Buxhetit 2026.
Sipas Ministrisë së Brendshme, fondi synon të mbështesë rritjen e trajtimit financiar të punonjësve të këtyre strukturave të posaçme të Policisë së Shtetit.
Në total, përmes Aktit Normativ të Buxhetit 2026, financimi për Policinë e Shtetit rritet me 701 milionë lekë. Ministri i Punëve të Brendshme, Besfort Lamallari, bëri të ditur se fondet shtesë do të shërbejnë për mbështetjen e efektivëve, indeksimin e pagave dhe investimet për modernizimin e institucionit.
Rritet buxheti për Policinë e Shtetit, 140 milionë lekë për indeksimin e pagave të punonjësve
Po sipas Ministrisë së Brendshme, 140 milionë lekë nga fondi shtesë janë parashikuar për indeksimin e pagave të punonjësve të Policisë së Shtetit, ndërsa pjesa tjetër do të përdoret për forcimin e kapaciteteve operacionale dhe përmirësimin e infrastrukturës së institucionit.