Kush e njoftoi bosin e Call Centereva mashtrues tek Delijorgji…
Një operacion policor është zhvilluar në Tiranë, ku efektivët kanë ushtruar kontrolle në disa ambiente në zonën e Delijorgjit, të dyshuara se përdoreshin për aktivitet të paligjshëm në formën e Call Center-ave.
Sipas informacioneve paraprake, forcat e rendit kanë kryer verifikime dhe kontrolle në terren me qëllim dokumentimin e veprimtarisë së dyshuar dhe mbledhjen e provave mbi funksionimin e këtyre subjekteve.
Burime bëjnë me dije se operacioni ka patur objektiv një nga emrat e njohur të industrisë së Call Center-ave në vend, megjithatë deri më tani nuk ka një konfirmim zyrtar nga autoritetet mbi personat apo kompanitë e përfshira.
Deri në këto momente nuk raportohet për persona të arrestuar, ndërsa kontrollet dhe veprimet hetimore vijojnë.
Nuk përjashtohet mundësia që operacioni të ketë rezultuar pa goditjen e objektivit kryesor, çka ka ngritur dyshime për një dekonspirim të mundshëm të aksionit.
Policia pritet të dalë me një njoftim zyrtar në orët në vijim për të sqaruar rezultatet e operacionit dhe masat e marra.