Ishte gati për tu esktraduar në Gjermani, arratiset Amir Muharremi në Dibër
Një zhvillim i rëndë ka tronditur autoritetet ne Diber, pasi arratisja e Amir Muharremit, i cili ndodhej në masën e sigurisë “arrest në shtëpi” dhe ishte në proces ekstradimi drejt Gjermanisë, ka çuar në arrestimin e një efektivi të policisë.
Makinetat e Stafukëve, lirohet me kërkesë të Prokurorisë polici
Agjencia e Mbikëqyrjes Policore (AMP) njoftoi se ka arrestuar në flagrancë M.A, 32 vjeç, specialist për Hetimin e Krimeve në Komisariatin e Policisë Dibër. Ai dyshohet për veprën penale “Shpërdorim detyre”, pasi sipas hetimeve nuk ka kryer veprimet hetimore dhe procedurale që lidhen me largimin e Muharremit nga banesa, ku po vuante masën e sigurisë.
Sipas AMP-së, veprimet hetimore janë zhvilluar nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Dibër, ndërsa materialet procedurale i janë referuar prokurorisë për vijimin e hetimeve.
Arratisja e Muharremit, i cili pritej të ekstradohej drejt Republikës Federale të Gjermanisë, ka ngritur dyshime për neglizhencë në përmbushjen e detyrës, çka solli edhe ndërhyrjen e AMP-së.
