Pas largimit të Kreshnik Alimadhi, ndryshime edhe në Policinë Rrugore
Lëvizjet në radhët e Policisë së Tiranës kanë vijuar edhe pas largimit nga detyra të shefit të Krimit Ekonomik, Kreshnik Alimadhi, duke përfshirë këtë herë edhe strukturat e Policisë Rrugore.
Burime bëjnë me dije se nga detyra është larguar shefi i Rrugores, Neritan Buzi. Në vend të tij është komanduar Luis Zeqaj, i cili pritet të marrë drejtimin e këtij sektori.
Po ashtu, ndryshime janë bërë edhe në sektorin e trafikut, ku është larguar nga detyra shefi i trafikut, Joan Trungu. Ky i fundit ka shkuar komandant tek forcat Shqigjeta. Si shef trafiku është emëruar Jetnor Shira i cili ka qënë në Durrës.
Këto lëvizje vijnë në kuadër të një riorganizimi të brendshëm në strukturat e policisë në kryeqytet, ndërsa pritet që në vijim të ketë edhe zhvillime të tjera në nivele drejtuese.
