Edmond Jaupi, CEO i Daikin në ‘arrest shtëpie’! (Vëllai i ish-drejtoreshës së bizneseve VIP te Tatimet)
Të tjera detaje dalin në dritë në lidhje me megaoperacionin e SPAK, në bashkëpunim me Policinë e Shtetit, ku u godit një rrjet kriminal droge që merrej dhe me pastrim parash.
Mësohet se një prej personave për të cilën është dhënë masë ‘arrest në shtëpi’, biznesmeni Edmond Jaupi, rezulton të jetë vëllai i Elidiana Çelajt, që është aktualisht drejtoreshë e AKUK-ut (Agjencia Kombëtare e Ujësjellës Kanalizimeve).
Kujtojmë se Çelaj më herët ka qenë drejtoreshë e bizneseve VIP te Drejtoria e Tatimeve. Sakaq, Jaupi rezulton të jetë CEO i Daikin/Esc, kompani kondicionimi.
Sakaq, SPAK lëshoi 20 masa, nga të cilat 15 në ‘arrest me burg’ dhe 5 në ‘arrest shtëpie’.
Sipas të dhënave paraprake, në listën e të dyshuarve janë:
* Artur Shehu
* Ilir Shtufi
* Orest Sota
* Orgert Bircaj
* Edmond Jaupi
* Artur Koceku
* Abedin Koceku
* Erion Rama
* Adi Rama
* Dritan Aga
* Baftri Troci
* Gëzim Islami
Pas këtij lajmi të publikuar një reagim ka ardhur nga kompania Daikin:
Deklaratë korrigjimi dhe sqarimi
Gostivar, 22 qershor 2026 – Daikin sqaron se Edmond Jaupi nuk është CEO i Daikin në Shqipëri. Raportimet e fundit mediatike të publikuara në Shqipëri që nga mesi i qershorit 2026 e kanë paraqitur gabimisht atë si mbajtës të këtij pozicioni.
Sqarimi kryesor
Daikin nuk ka një filial të vetin në Shqipëri. Në Shqipëri, Daikin përfaqësohet nga agjenti i tij i shitjeve, ALMAKOS Klima. Çdo deklaratë që e përshkruan Edmond Jaupin, nga ECS ECO Climate Solution, si CEO të Daikin është e pasaktë.
ECS ECO Climate Solutions vepron si një kompani e pavarur që shet dhe promovon njësitë e Daikin.
Kërkesë për mediat
Daikin u kërkon me mirësi mediave që kanë raportuar mbi hetimin që përfshin Edmond Jaupin dhe që i janë referuar atij si CEO i Daikin, të korrigjojnë raportimet e tyre dhe të heqin çdo referencë që e paraqet atë si CEO të Daikin.
Ky korrigjim është i nevojshëm për të shmangur përhapjen e informacionit të pasaktë publik lidhur me praninë e biznesit të Daikin në Shqipëri dhe përfaqësuesit e tij.
