Një 40-vjeçar është vrarë me thikë mbrëmjen e kësaj të enjteje në Babrru. Viktima është Hajdar Ismailgeci.
Viktima u gjet i pajetë në mes të rrugës pranë shkollës 9-vjeçare “Azem Hajdari”.
Në vendngjarje kanë shkuar policia dhe ambulanca. Grupi hetimor ka bërë rrethimin e zonës dhe ka nisur hetimet për të zbardhur ngjarjen. Dyshohet se viktima u godit me thikë pas një sherri duke mbetur i plagosur, e më pas humbi jetën si pasojë e hemorragjisë.
Ndërsa burime bëjnë me dije se autori i dyshuar i krimit, pasi ka goditur me thikë Ismajlgecin, dyshohet se ka shkuar në një lokal rreth 300 metër larg vendit të ngjarjes. Ai është parë nga banorët e zonës me njolla gjaku.
Pasi ka qëndruar pak, është larguar nga lokali dhe ka humbur gjurmët. Ndërsa policia po punon për identifikimin dhe lokalizimin e tij.
Ndërkohë, trupi i viktimës do të dërgohet në morg për të përcaktuar shkakun e vdekjes.
