Nafta në Shqipëri po kushton deri në 45 për qind më shumë se në Maqedoninë e Veriut dhe Bosnje-Hercegovinë. Ndërsa në vendin tonë një litër naftë kushton gati 2.4 euro, në këto dy vende të rajonit karburanti tregtohet mesatarisht me rreth 1.7 euro për litër. Sipas të dhënave të përfshira në material, Shqipëria renditet e para në rajon, e gjashta në Europë dhe e nënta në botë për çmimin e lartë të naftës.
Çmimi i naftës në Shqipëri 45% mbi rajonin, por shitja vetëm rritet…
Në krahasim me Kosovën, Serbinë dhe Malin e Zi, nafta në Shqipëri kushton 20 deri në 30 për qind më shumë. Në Shqipëri, përveç akcizës prej 39.4 lekësh për litër dhe TVSH-së 20 për qind, mbi çmimin e naftës aplikohen edhe dy taksa të tjera shtesë, të cilat nuk aplikohen në të njëjtën formë në vendet e tjera të rajonit: taksa e qarkullimit prej 27 lekësh për litër dhe taksa e karbonit prej 3 lekësh për litër.
Por, teksa çmimi i naftës ka kapur nivele rekord, ndryshe nga vendet e tjera të rajonit, të cilat prej disa javësh kanë miratuar masa të reja fiskale për uljen e barrës mbi karburantet, Shqipëria nuk po ndërmerr masa të reja për amortizimin e efekteve të rritjes së çmimeve. Madje, nuk është më në fuqi as Akti Normativ që parashikonte një
Çmimet e karburanteve kanë arritur pranë niveleve rekord, por të dhënat më të fundit tregojnë se konsumi në Shqipëri nuk është frenuar.
Sipas INSTAT-it, volumi i shitjeve të hidrokarbureve u rrit me 8.4% gjatë tremujorit të dytë të vitit 2026, krahasuar me të njëjtën periudhë të një viti më parë. Karburantet regjistruan rritjen më të lartë ndërmjet të gjitha kategorive të tregtisë me pakicë, duke lënë pas artikujt joushqimorë, me 6.4%, dhe ushqimet, pijet e duhanin, me 6%.
Rritja vijoi edhe në raport me fillimin e vitit. E përshtatur për efektet sezonale, shitja e hidrokarbureve u zgjerua me 2.1% kundrejt tremujorit të parë të 2026-s.
