Alo Policia? UBA BANK më vodhi paratë
Një skemë mashtrimi në një degë banke në Tiranë është zbuluar nga Krimi Ekonomik pranë Policisë së Tiranës. Në lidhje me rastin, Prokuroria e Tiranës ka caktuar 12 masa sigurie për punonjës të bankës, mes tyre edhe dy drejtuesit Albin Keta dhe zëvendësi i tij, Gilbert Hoxha, të dyshuar për zbrazjen e llogarive të klientëve.
Griselda Bana
Dorisa Doka
Oksana Kadiu
Resmije Stafa
Blerta Nelaj
Zhaklina Buçpapaj
Elona Qose
Iva Dollaku
Ensuida Keci
Bjorn Mazniku
Konkretisht, dy persona janë arrestuar, 6 janë vendosur në “arrest shtëpie” dhe 4 janë pezulluar nga detyra, nën akuzat për vjedhje duke shpërdoruar detyrën, falsifikim dokumentesh dhe falsifikim kompjuterik.
Hetimet kanë nisur pas denoncimeve të qytetarëve dhe kallëzimit të vetë bankës, ndërsa dyshohet se janë kryer dhjetëra tërheqje të paautorizuara nga llogaritë e klientëve.
Sipas hetimeve, personat e përfshirë, në bashkëpunim me njëri-tjetrin dhe duke shpërdoruar detyrën sipas funksioneve përkatëse, kanë kryer ndërhyrje të paligjshme dhe transferta të paautorizuara.
Shtetasit Albin Keta dhe Gilbert Hoxha, zv.drejtor dhe drejtor i degës, ndaj të cilëve u kërkua masa e siguisë ‘Arrest në burg’, rezultoi se kanë kryer në mënyrë të përsëritur veprime të kundërligjshme gjatë ushtrimit të detyrës së tyre funksionale. Duke shpërdoruar detyrën dhe aksesin në sistemin bankar, ata kanë përvetësuar shumat monetare të dy kilentëve nëpërmjet përdorimit të mandateve të tërheqjes false, pa mandat, ndëhyrjes së kundërligjshme në sistem nëpërmjet konvertimeve valutore, hapje/mbyllje depozitash si dhe ndryshim të të dhënave pa autorizim. Kjo skemë vjedhjeje e koordinuar krijon dyshim të arsyeshëm mbi konsumimin e veprës penale për të cilën janë në hetim. Këto veprime ata i kryen në bashkëpunim me punonjësit e tjerë të bankës, në cilësinë e arkëtarit, supervizorit si dhe të shërbimit ndaj klientit.
