Helmohen nga ushqimi 55 kursantë në Akademinë e Policisë në Tiranë
Rreth 55 kursantë në Akademinë e Policisë në Sauk janë helmuar ditën e djeshme nga ushqimi. Më pas janë dërguar në spital për ndihmë mjekësore.
Kursantët kishin të vjella dhe diarre. Dyshohet se janë helmuar nga brokoli.
Pasi kanë marrë ndihmë mjekësore kanë dalë nga spitali, dy prej tyre ndodhen ende në spital.
Gjithmonë kursantët e Akademisë së Sigurisë kanë pasur ankesa për cilësinë e ushqimit që iu jepet.
Dje pasdite kanë shkuar rreth 10 ambulanca në Akademi për të çuar kursantët në spital.
Komisariati nr. 1 arrestoi 2 persona dhe shpalli 1 në kërkim për skandalin e helmimit të studentëve në Akademinë e Sigurisë.
Burime bëjmë me dije se në pranga kanë rënë teknologu dhe kuzhinieri i kompanisë katering që shpërndante ushqimin në 3 vakte për studentët dhe shpalli në kërkim administatoren. Studentët që u helmuan kanë pasur simptoma të rëndë me të vjella dhe dhimbje të forta barku. Pasi janë paraqitur në spital, kanë marrë mjekim, serume dhe janë kthyer.
