Ish-drejtori i Policisë, Uljan Shpataraku, dhe Ergys Agasi kanë kundërshtuar masën e sigurisë “arrest në burg”, duke iu drejtuar me ankim Gjykatës së Apelit të Posaçëm.
Kërkesa e dy të ndaluarve do të shqyrtohet nga gjyqtari Florjan Kalaja. Agasi dhe Shpataraku kërkojnë zëvendësimin e masës së arrestit në burg me një masë më të butë sigurie.
Arrestohet kushëriri i Ergys Agasit, Eno Agasi! Zhduku verën miliona euro
Dy personat u ndaluan së bashku, teksa ndodheshin në të njëjtin automjet në zonën e Plepave, në Durrës. Pas ndalimit, ata u përballën me procedurat gjyqësore që çuan në caktimin e masës “arrest në burg”.
Ergys Agasi ishte shpallur më herët në kërkim nga autoritetet, në kuadër të hetimeve të lidhura me çështjen e AKSHI-t. Për të dyshuarin rëndojnë akuza për disa vepra penale, të cilat janë pjesë e hetimit të zhvilluar nga organet e drejtësisë.
Ndërkohë, ish-drejtori i Policisë, Ulian Shpataraku, akuzohet për veprën penale të “përkrahjes së autorit të krimit”.
Aktualisht, Ergys Agasi mbahet në paraburgimin e Bradasheshit, ndërsa Shpataraku ndodhet në burgun e Peqinit.
Vendimi i Apelit të Posaçëm do të përcaktojë nëse masa e sigurisë ndaj tyre do të mbetet në fuqi apo do të zëvendësohet me një masë tjetër.
SKEDA/ Kush është Ergys Agasi? Nga drejtor i LSI, te miqësia me Edi Ramën dhe pasuria miliona euro!
