Plagosje me mjet prerës në Nikel të Krujës, dy vëllezër përfundojnë në spital
Një ngjarje e rëndë është regjistruar mbrëmjen e sotme në zonën e Nikelit, në Krujë, ku dy vëllezër kanë mbetur të plagosur pas një konflikti të çastit.
Sipas informacionit paraprak, rreth orës 20:30, në oborrin e një mobilerie në Nikel, dyshohet se për motive të dobëta shtetasit Ardjan Xheka dhe Gazmir Xheka kanë goditur me mjet prerës Ronaldo Cacën, rreth 31 vjeç, dhe Halil Cacën, rreth 23 vjeç.
Të plagosurit janë transportuar menjëherë në spital dhe ndodhen nën kujdesin e mjekëve.
Në vendngjarje ka mbërritur grupi hetimor, i cili nën drejtimin e Prokurorisë po punon për zbardhjen e plotë të rrethanave dhe dokumentimin ligjor të rastit.
Ndërkohë, shërbimet e Policisë vijojnë kontrollet për kapjen e Ardjan Xhekës dhe Gazmir Xhekës, të cilët janë shpallur në kërkim.
