SPAK dhe Policia e Shtetit zhvilluan në orët e para të mëngjesit të sotëm një operacion të befasishëm në qytetin e Durrësit, në zbatim të një vendimi të GJKKO.
Gjatë aksionit u arrestuan tre persona, mes tyre Vullnet Muça dhe Enea Kume, ndërsa identiteti i të tretit nuk është bërë ende publik.
Burime bëjnë me dije se hetuesit e Byrosë Kombëtare të Hetimit (BKH) kanë ushtruar kontrolle në banesën e Aleksandër Lahos, i njohur si Pëllumb Muharremi apo me nofkën “Rrumi”. Detajet mbi këtë operacion mbeten ende të klasifikuara, ndërsa autoritetet nuk kanë dhënë informacion të plotë për natyrën e akuzave.
Operacioni shihet si pjesë e goditjes së grupeve kriminale dhe pritet që gjatë ditës SPAK të japë njoftimin zyrtar.