Një ngjarje e rëndë është shënuar këtë mëngjes në Golem, ku është gjetur i pajetë në dhomën e tij të hotelit “Bonita”, ish-ambasadori gjerman Werner Daum.
Sipas policisë, trupi i pajetë i Daum, i lindur më 14 korrik 1943 dhe banues në Gjermani, u zbulua rreth orës 10:30 nga stafi i hotelit. Nga veprimet e para hetimore dyshohet se ai ka ndërruar jetë për shkaqe natyrale.
Për të hedhur më shumë dritë mbi rrethanat e ngjarjes, uniformat blu kanë marrë në pyetje stafin e hotelit, ndërsa vijojnë hetimet për të përjashtuar çdo mundësi tjetër.
Werner Daum ishte një figurë e njohur diplomatike me arsim të lartë dhe një karrierë të gjatë në shërbimin e jashtëm gjerman.
Materialet për rastin i janë referuar Prokurorisë pranë Gjykatës së Shkallës së Parë të Juridiksionit të Përgjithshëm në Durrës.
