Çfarë zbuloi hetimi? Exchange me licencën e AK-INVEST, pika e thyerjes së kriptomonedhave

TIRANË – Veç kërkimeve ndaj Armand Shakajt, i dyshuar për vrasjen e Eglant Kocit, duke ndjekur pistën e krimit të ndodhur për shkak të parave të call center-ave dhe kriptomonedhave, rezulton se grupi i hetimit ka pyetur edhe pronarin e një exchange-i në Tiranë. Sipas dosjes hetimore, mësohet se në pyetje është marrë Eqerem Kërçiku.
Pasi familjari i Eglantit kishte depozituar denoncimin për zhdukjen e tij, më 5 qershor ai i tregoi më pas policisë se i vëllai konvertonte kriptomonedha në një subjekt pranë Laprakës. Dosja hetimore përmend subjektin “E&J. KERÇIKU” sh.p.k., me administrator shtetasin Eqerem Kërçiku, i cili operon në zonën e njohur si “Spitali Ushtarak” në Tiranë.

Vrau Eglant Koçin, autori drejt dorëzimit? Ja çfarë u zbulua tek kompjuterat…

Por rezulton se administratori Eqerem Kërçiku i “Exchange”-it ka shpjeguar se viktima kishte më shumë se një muaj që nuk ishte paraqitur për transferta. Kjo dëshmi ka përforcuar dyshimin fillestar të agjentëve të policisë, të cilët vazhdojnë të hetojnë në drejtim të vrasjes së Eglant Kocit në Tiranë, ditën kur ai u paraqit në biznesin e shokut të tij për shkak të portofolëve virtualë.

I dyshuari rezulton se u thirr nga policia gjatë orëve kur nuk dihej asgjë për fatin e të riut dhe, ndërsa ai rezultonte i zhdukur, Shakaj u shpreh se e kishte takuar Eglantin më 3 qershor.

Prokuroria ka pyetur një listë të gjatë dëshmitarësh, mes tyre edhe lavazhierë, të cilëve Shakaj u tha për Porsche-n: “Do vij ta marr, vetëm lajeni mirë.” Të dy punëtorët shpjegojnë për hetuesit se gjatë punës vunë re se “në pjesën e tapetit të automjetit, pas ndenjëses së shoferit, kishte lëng të kuq, në pamje të parë si gjak”.

Në këtë këndvështrim, në Tiranë, por jo vetëm, rikthehet çështja e paligjshmërisë që mund të veprojë përmes exchange-ve, me këmbimin e kriptovalutave. Kjo risjell në vëmendje nevojën për kontrolle më të rrepta ndaj subjekteve që ushtrojnë aktivitetin e këmbimit valutor dhe kriptomonedhave (exchange).

Çfarë po fshihet te vrasja e Eglant Koçit/ Prokuroria kërkon të kontrollojë kompjuterat

Dyshohet se disa pika të këmbimit valutor në kryeqytet mund të shërbejnë si kanale për transferimin dhe konvertimin e parave nga aktivitete të paligjshme, siç dyshohet në rastin e subjektit “E&J. KERÇIKU” sh.p.k., me administrator shtetasin Eqerem Kërçiku, i cili operon në terren si agjent i licencuar nën siglën e institucionit financiar jobankë AK-INVEST sh.p.k., ku aksionare dhe administratore është shtetasja Suzana Adili.

Ngjarje të fundit kriminale të zbardhura nga organet e rendit kanë ekspozuar skema të ndërlikuara financiare, ku përfshihet konvertimi i parave cash dhe përdorimi i mundshëm i kriptomonedhave për të humbur gjurmët e transaksioneve.

Shenja në bark zbardhi misterin! Si u zbulua trupi i Eglant Koçit

Në vitet e fundit, autoritetet shqiptare kanë ndërmarrë disa operacione kundër aktiviteteve të paligjshme që lidhen me kriptomonedhat. Këto raste kanë përfshirë pika të këmbimit të kriptomonedhave që operonin pa licencë, skema mashtruese investimi dhe aktivitete të tjera të paligjshme. Më poshtë paraqiten disa nga rastet kryesore të raportuara nga autoritetet shqiptare.

• “USDT-1” — 13 qershor 2025: Policia njoftoi goditjen e aktivitetit të këmbimit të kriptomonedhave pa licencë në Tiranë dhe Shkodër. U kontrolluan 32 ambiente dhe u sekuestruan rreth 750 mijë euro.
• “Hidden Funds” — 2025: Goditje në Tiranë, me sekuestrimin e rreth 500 mijë eurove. Ky rast lidhej me një subjekt ku depozitoheshin para, por nuk ishte një goditje e drejtpërdrejtë e një exchange-i kriptomonedhash.
• “Programuesi” — 15 korrik 2022: U godit një aktivitet i paligjshëm investimi që përfshinte kriptomonedha dhe Forex. U arrestua një person.
• “Kriptomonedha” — 28 dhjetor 2021: U zbulua një laborator për prodhimin/mining të kriptomonedhave në Krujë dhe u sekuestruan shtatë pajisje./InfoNews.al

  https://infonews.al/eglant-koci-dyshohet-se-u-vra-me-plumb-ne-koke-familjaret-identifikojne-trupin-dergohet-per-ekspertize-ne-morg/