Fillimisht, në Greqi, në moshë të re, Alket Rizai punoi si të gjithë të rinjtë shqiptarë pas tranzicionit: në emigrim, dhe me të ardhurat ndihmonte familjen në Shqipëri. Në ndihmë i erdhën katër gjuhët e huaja që fliste. Ndër njohjet e tij të viteve të para në Greqi ishin edhe vajzat simpatike, të cilat shihnin tek ai djalin simpatik që ngjasonte me një aktor filmi. Alketi u lidh me një vajzë të bukur ruse, Oksanën, dhe këtu jeta mori një rrjedhë tjetër.
DETAJET/ Në kufi me Shqipërinë, ja ku i humbi gjurmët Alket Rizai
Nga një i ri shqiptar që erdhi në Greqi në moshën 16-vjeçare, Alket Rizaj evoluoi në një nga të dënuarit më famëkeq të vendit fqinj.
Në vitin 2003, ai u dënua për vrasjen e Thanasis Koropiotis. Ngjarja ka ndodhur më 3 maj 2003. Autorët e rrëmbyen të riun grek dhe më tej, me një makinë, e dërguan në pyjet e zonës së Atikës, ku edhe e ekzekutuan, e më pas zhdukën kufomën. Fillimisht, policia arrestoi tre persona, dy grekë dhe një ruse, ndërsa një muaj më vonë u ndalua edhe i dyshuari shqiptar. Edhe pse u dënua, Alket Rizai nuk e ka pranuar krimin. Por historia më e famshme e jetës së tij kriminale ende nuk ishte shkruar.
10 minuta që tronditën Greqinë! Plani i çmendur i arratisjes me helikopter, si doli Alekt Rizai nga Korydallos
Në maj të vitit 2003, rojet e burgut gjetën në qelinë e tij një plan të detajuar të burgut dhe menjëherë e transferuan atë në institucionin e sigurisë së lartë të vuajtjes së dënimit, Korydallos, pranë Athinës. Një nga burgjet më famëkeqe në Europë, ai ishte shtëpia e vrasësve, kriminelëve të luftës dhe terroristëve.
Theu sistemin! Alket Rizai u del grekëve në një tjetër vrasje brenda në burg…
Pak pasi kishin kaluar gjashtë vjet nga dënimi me 25 vite për rrëmbim dhe vjedhje bankash, personazhi i njohur i botës së krimit në Greqi, Vasilis Paleokostas, u bë mik me Alket Rizain. U deshën vetëm 20 ditë që të hartonin planin e arratisjes. Rizai kishte folur me nënën e tij në telefon dhe i kishte thënë: “Drejtësia shumë shpejt do të shkojë në vend”, edhe pse ajo kurrë nuk e kishte menduar se djali i saj po përgatiste një arratisje.
Më 4 qershor të vitit 2006, në orën 18:15, pranë Athinës, piloti i një helikopteri tregtar, i quajtur Karikis, po hipte në Eurocopter-in e bardhë AS355N.
Ish-ushtaraku ofronte udhëtime për kënaqësi për firmën Airlift, por pesë minuta pasi ishin ngritur në ajër, një nga dy pasagjerët i vuri një armë në qafë. Udhëtimit për kënaqësi i erdhi fundi. Ishte Nikos Paleokostas dhe ai do të shpëtonte vëllain e tij, Vasilis, dhe mikun e tij, shqiptarin Alket Rizai.
Erdhi në Shqipëri? Autoritetet greke në “gjueti” të Alket Rizait
Brenda dhjetë minutash, helikopteri mund të shihte burgun Korydallos dhe e reduktoi shpejtësinë në 70 milje për orë.
“Ne shqyrtuam mundësinë për të punësuar një pilot, por një pilot i frikësuar është më mirë”, deklaronte Rizai vite më parë në një dokumentar të BBC-së.
Rojet e burgut, duke menduar se ishte ndonjë autoritet i burgjeve që po arrinte për një inspektim të beftë, rregulluan uniformat. Ndërsa helikopteri u ul në oborrin e stërvitjes, motorët ngritën në ajër një stuhi me pluhur ngjyrë kafe.
Piloti bërtiti: “Ata kanë granata! Ata kanë eksplozivë!”
Një rojë ulëriti: “Arratisje, arratisje!”
Ajo kishte filluar tashmë. Pak momente më vonë, Vassilis Paleokostas dhe Rizai hipën në helikopter dhe ai u ngrit në ajër. Rojet drejtuan armët, por nuk qëlluan, sepse e dinin mirë se çfarë do të ndodhte. Burgu është në një zonë rezidenciale me pemë portokalli dhe fëmijët po gjuanin topin në muret e burgut.
Rizai shpjegon: “Qëllimi përfundimtar në një arrati nga burgu është që të largohesh me stil dhe të thuash ‘Gëzuar’ dhe ‘Bravo’ ndërsa largohesh.”
Në Skisto, në veri të Athinës, helikopteri u ul me qetësi në një varrezë. Aty u shfaqën dy motoçikleta. Paleokostas dhe Rizai ishin nisur për në rrugën e gjatë të lirisë.
Pas arratisjes nga burgu në vitin 2006, Alket Rizai u kap shpejt. Sipas policisë, mësohet se, për të humbur gjurmët nga policia greke, kishte ndryshuar pamjen, kishte lënë mjekër dhe kishte lyer flokët, duke i transformuar nga ngjyrë e zezë në bionde. Më 2 gusht 2008, u arrestua edhe Vassilis Paleokostas.
Gjatë periudhës që ishte në arrati, më 26 gusht 2006, Rizai akuzohet se vrau 43-vjeçarin Konstantinos Koutelieris dhe 36-vjeçarin Ioannis Katsios. Rizai, asokohe, e ka mohuar të jetë përfshirë në këtë krim dhe, sipas tij, drejtësia greke nuk gjeti kurrë prova që ta implikonin. Sipas hetimeve, vrasjet u kryen me urdhër të një prej figurave të fuqishme të mafies greke, Vasilis Stefanakos, i cili u vra vite më pas.
Ndiqni te plote nje pjese nga historia e Alket Rizait: https://youtu.be/XqrKWpAk4b4?si=DBPSuj77w9hwcFb4
