U ekstradua nga Franca! Ja kush është Alban Skonja, i përfshirë në një sërë ngjarjesh kriminale
Syri ka siguruar foton e Alban Skonjës, i cili u ekstradua të enjten e 23 prillit nga Franca, pasi Gjykata e Durrësit ka caktuar ndaj tij masën e sigurisë “Arrest në burg”, për veprat penale “Mbajtja pa leje dhe prodhimi i armëve”, “Sigurimi i kushteve dhe mjeteve për të kryer vrasje” dhe “Grupi i strukturuar kriminal”, raporton gazetari Ervin Leka.
Alban Skonja është një emër me precedent të mëparshëm kriminal. Ne skedarët e policisë rezulton që në vitin 2017 i arrestuar për armëmbajte pa leje. Në atë periudhë ai u kap me armë në qytetin e Durrësit dhe u vu në pranga.
Emri i Alban Skonjës rezulton i përfshirë edhe në një tjetër ngjarje, ku mbeti i plagosur vetë ky i fundit. Në shkurt të vitit 2022, ai së bashku me kushërinjtë Gentjan dhe Andi Diva u sulmuan me armë zjarri nga 2 vëllezërit Kastriot dhe Armando Lleshaj në Mamurras pas konfliktit për një vajze. Skonja dhe Diva mbeten te Plagosur.
Gjithashtu, Alban Skonja dyshohet se në vitin 2023, në rajonin e Balarus, Francë, është përfshirë në një rast grabitje me armë të një shume prej 40 mijë eurosh me një bandë kriminale.
Ndërkohë për sa i përket masës së sigurisë që i është caktuar nga Gjykata e Durrësit rezulton se Alban Skonja, është një nga personat që ka siguruar kushte për vrasjen e Geron Hasanbelliut dhe Arben Mërkurit.
Skonja gjatë muajve korrik-gusht 2021 në bashkëpunim me persona të tjetrë kanë planifikuar vrasjen e Geron Hasanbelliut dhe ka siguruar automjete, armë zjarri dhe apartamente me qira, por nuk kanë mundur ta realizojnë vrasjen e tyre. Vrasja ishte porositur nga Kasandër Noga. Pasi nuk mundën ta kryejnë vrasjen, Skonja dhe personat e tjerë janë tërhequr dhe në këtë grup është angazhuar Kevin Zeneli, i cili është personi që mbante kontakte dhe lidhje me Kasandër Nogën.
Në përpjekje për të ekzekutuar Geron Hasanbellin, u shkaktua masakra e Don Boskos, më 4 janar 2022 duke vrarë gabimisht Erjon Celën dhe plagosur disa të tjerë.
