Tiranë/ Punonjësi i One Albania bie nga shtylla gjatë punës, përfundon në spital

Një aksident në vendin e punës është regjistruar paraditen e sotme në Tiranë.

Rreth orës 10:30, në rrugën “Shote Galica”, dyshohet se gjatë kryerjes së punimeve për instalimin e një linje interneti, një punonjës i kompanisë së telekomunikacionit One Albania ka rënë nga lartësia e një shtylle.

Sipas informacioneve paraprake, i dëmtuari është shtetasi Isuf Dauti, rreth 50 vjeç, i cili ishte duke kryer punën e tij në momentin kur ka ndodhur ngjarja.

Menjëherë pas incidentit, ai është transportuar për ndihmë mjekësore në spital, ku aktualisht ndodhet nën kujdesin e mjekëve. Ende nuk dihet gjendja e tij shëndetësore.

Pronari i One Albania merr tatëpjetën pas sulmit të Magyar, aksionet bien me 14.5% brenda ditës

Ndërkohë, pritet që autoritetet përkatëse të sqarojnë rrethanat dhe shkaqet e plota të ngjarjes, si dhe mënyrën se si punonjësi ka rënë nga lartësia gjatë kryerjes së punimeve.