Flamur Golemi kryetari i bashkisë Gjirokastër në SPAK
Kryetari i Bashkisë së Gjirokastrës, Flamur Golemi, është paraqitur këtë të enjte në ambientet e Prokurorisë së Posaçme Kundër Korrupsionit dhe Krimit të Organizuar (SPAK).
Deri në këto momente nuk ka një njoftim zyrtar lidhur me arsyet e thirrjes së tij nga institucioni i posaçëm i drejtësisë. Po ashtu, nuk dihet nëse paraqitja e kryebashkiakut lidhet me ndonjë procedim konkret apo me një çështje verifikimi paraprak.
Pritet që në orët në vijim të ketë një reagim zyrtar nga SPAK ose nga vetë Bashkia e Gjirokastrës, për të sqaruar rrethanat e kësaj paraqitjeje.
SPAK është institucioni përgjegjës për hetimin e veprave penale që lidhen me korrupsionin dhe krimin e organizuar, si dhe për çështjet që përfshijnë zyrtarë të lartë publikë.
