Si u grabit banka në Tiranë…duart lart lekët në çantë
Një ngjarje e rëndë është regjistruar sot në Tiranë, ku është raportuar një grabitje brenda një banke të nivelit të dytë, në afërsi të stadiumit “Dinamo”.
Sipas burimeve paraprake, dyshohet se një klient që po kryente një depozitë parash është grabitur brenda ambienteve të bankës. Autori i ngjarjes i ka marrë paratë klientit dhe është larguar menjëherë nga vendi i ngjarjes.
Dëshmitarë në vendngjarje bëjnë me dije se autori është larguar me një motor të zi. Ai përshkruhet si i veshur me rroba të zeza, me çantë, kapelë dhe gjysmë maske në fytyrë.
Policia ka mbërritur menjëherë në vendngjarje dhe ka nisur hetimet për identifikimin dhe kapjen e autorit. Po analizohen pamjet e kamerave të sigurisë dhe çdo provë që mund të ndihmojë në zbardhjen e ngjarjes.
Autoritetet u bëjnë thirrje qytetarëve që, nëse konstatojnë personin e dyshuar ose kanë informacion, të njoftojnë menjëherë forcat e rendit. Hetimet vijojnë.
