Si i mbrojti One Albania bosët e Call Center në Tiranë
Kompania One Albania rezulton se nuk ka bashkëpunuar me autoritetet gjatë hetimeve për mashtrimet me call center. Në vendimin e Gjykatës së Tiranës thuhet se kompania One Albania nuk ka vënë në dispozicion të dhënat për përdoruesit e adresave IP që dyshohej se përdoreshin për aktivitetin e paligjshëm. Sipas të njëjtit dokument, policia i ka kujtuar edhe përgjegjësinë penale në rast mosbashkëpunimi. Ndryshe nga operatorë të tjerë, të cilët sipas vendimit kanë vënë në dispozicion listat e klientëve për autoritetet, One Albania rezulton të ketë refuzuar një veprim të tillë.
Në një përgjigje zyrtare të datës 19 dhjetor 2024, kompania ka argumentuar se adresat IP në fjalë janë publike dhe se nuk ka mundësi teknike për të identifikuar përdoruesit konkretë pa të dhëna shtesë. Deri tani janë zbuluar në total 12 ambiente të përshtatura për këtë veprimtari, janë arrestuar 10 persona, ndërsa disa të tjerë janë shpallur në kërkim. Po ashtu janë sekuestruar mbi 891 mijë euro.
