Një ngjarje e rëndë ka ndodhur në qytetin e Shkodrës, ku një grup të rinjsh kanë hyrë me dhunë në lokalin e një qytetari. Sipas dëshmive, ata kanë goditur babain e pronarit dhe disa miq të tij, duke shkaktuar lëndime fizike.
Autorët më pas kanë thyer kamerat e sigurisë, në përpjekje për të fshirë provat e dhunës së ushtruar, dhe janë larguar nga vendi i ngjarjes.
Të dëmtuarit dhe familjarët e tyre shprehen se ndihen të kërcënuar, pasi sipas tyre, autorët kanë lidhje familjare me një fis të njohur të zonës. Ata i kërkojnë Policisë së Shkodrës të ndërhyjë menjëherë për të vënë para drejtësisë dhunuesit dhe për të garantuar sigurinë e tyre.
Deri më tani nuk ka një njoftim zyrtar nga policia mbi këtë ngjarje.
