Strukturat e Drejtorisë Vendore të Policisë Kukës po vijojnë kontrollet intensive në terren, me qëllim goditjen e krimeve kundër mjedisit dhe parandalimin e ndërtimeve pa leje.
Gjatë veprimeve të zhvilluara nga Komisariati i Policisë Tropojë, u evidentuan 6 raste ndërtimesh të paligjshme, ku:
- U ndalua shtetasi H. Gj., banues në Bajram Curri, i kapur duke ndërtuar pa leje në bjeshkën e “Poligrajës”, zonë e mbrojtur.
- U shpall në kërkim shtetasja Gj. Q., banuese në fshatin Buçaj, pasi kishte ngritur një objekt pa leje në bjeshkën e “Pojanës”.
- U proceduan penalisht në gjendje të lirë shtetasit M. P., S. Ç., S. H., dhe R. B., për ndërtime të paligjshme në zona të ndryshme të Tropojës.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme ligjore.