Të shtëna me armë zjarri janë regjistruar në zonën pranë ‘Farmacia 10’ apo QSUT-së në Tiranë.
Burime bejne me dije se si pasojë e të shtënave ka mbetur i plagosur shtetasi Ilirjan Dosti.
I plagosuri, i cili raportohet të ketë marrë plumba në bark, është shoqëruar me urgjencë për në spital me autoambulancë, për të marrë ndihmën e nevojshme mjekësore.
Ndërkohë Policia dhe grupi hetimor kanë shkuar në vendin e ngjarjes dhe po punojnë për zbardhjen e plotë të rrethanave të këtij rasti.
Tiranë/Informacion paraprak
Më datë 17.04.2026, rreth orës 19:10, në një lokal në rrugën “Imer Ndregjoni” është plagosur, dyshohet me armë zjarri, shtetasi I. D., rreth 45 vjeç, i cili po merr ndihmë mjekësore në spital.
Grupi hetimor ndodhet në vendngjarje dhe po punon për identifikimin dhe kapjen e autorit, si dhe sqarimin e plotë të rrethanave të rastit.
